HVER ER ÁGÚSTA MARGRÉT?

  •  5 barna móðir frá Hornafirði, búsett á Djúpavogi.

  • Markþjálfi frá Háskólanum í Reykajvík og Coach U.

  • Aðhyllist meðvitaðar, virðingaríkar og virkar uppeldis- og samskiptaaðferðir.

  • Hefur lokið námskeiðinu Conscious Parenting hjá Dr. Shefali Tsabary.

  • Nýtir hugmyndafræði og aðferðir Dr. Ross Greene í barna og unglinga markþjálfun.

  • Mikil áhugamanneskja um mannrækt, mannlega hegðun, viðbrögð og tilfinningar.

  • Aðhyllist náttúru, útivista- og heimslífsstíl (wild- and worldschooling).

  • Hefur ferðast til yfir 16 landa yfir 16 vikna tímabil með fjölskyldu sinni frá því í mars 2018. Þau sýna og segja frá ferðalögunum á www.instagram.com/whattodoin2017

  • Starfaði sem sjómaður í 12 ár áður en fyrsta barn hennar fæddist árið 2006.

  • Stúdent frá listnámsbraut hönnunarsviði Iðnskólans í Hafnarfirði.

  • Nam skó- og fylgihlutahönnun í IED í Róm.

  • Stofnaði, stjórnaði og gekk í öll störf í eigin hönnunar- og framleiðslufyrirtæki.

  • Gaf út og ritstýrði HVAÐ eflandi og hvetjandi barna- og ungmennatímariti árið 2019

  • Ágústa hefur tekið þátt í ótal námskeiðum, viðburðum og ráðstefnum tengt rekstri, sköpun, uppeldi, markþjálfun og fleira.

  • Hún hefur skipulagt og séð um ýmiskonar námskeið og viðburði.

  • Ágústa er annar stjórnandi Markþjálfahjartans sem leggur áherslu á markþjálfun í skólakerfinu og framúrskarandi skólaumhverfi: https://www.markthjalfahjartad.is 
  • Hún fór 39 ára gömul í 3. bekk með syni sínum, hún mætti með honum í alla tíma, nesti, frímínútur og tómstundir í 4 mánuði. Þar fékk hún aðra sýn á heim barna en hún hafði áður verið með og var það ekki síst kveikjan af áhuga hennar fyrir markþjálfun.

  • Ágústa hefur persónulega reynslu og mikla þekkingu á ADHD, vefjagigt, verkjum, vanlíðan, alkhólisma, fíkn og öðru sem hún hefur þurft að takast á við í lífinu. 

Að vera með göfug og góð lífsgildi, skýra sýn og stefnu að raunverulegum markmiðum sínum og

framfylgja þeirri stefnu að heilindum, hugsjónum og heilbrigði veitir fólki frelsi, tíma, orku, hugarró og jafnvægi.

 

Ég hef margoft misst sjónar af raunverulegum gildum mínum, markmiðum og draumum.

Ég hef staðið á krossgötum og verið á villigötum oftar en ég get talið upp eða hef kært mig um,

en hvert einasta skref sem ég hef tekið hefur komið mér á þann stað sem ég er í dag.

 

Áhugi minn á markþjálfun og að vinna með öðru fólki á jákvæðan og uppbyggilegan hátt hefur vaxið jafnt og þétt

samhliða minni sjálfsvinnu og leiddi sá áhugi mig til náms og starfa sem markþjálfi, sem er mjög ólíkt öllu öðru

sem ég hef áður fengist við en ég trúi að öll sú reynsla sem ég bý yfir nýtist mér vel á þessum vettvangi.

 

Í byrjun árs 2017 urðu kaflaskil hjá mér þegar ég gerði mér grein fyrir að ég væri ekki að upplifa það sem ég hafði alltaf ætlað mér, td. að ferðast með börnin mín, læra og upplifa nýja hluti og vera í mínu besta mögulega formi. Ómeðvitað var ég sjálf búin að koma upp allskonar hindrunum og ég flaut einhvernveginn bara með straumnum ómeðvitað og ósátt við ýmislegt.

 

Ég ákvað að gera breytingar og ég gerði þær. Frá því í mars 2018 höfum við verið erlendis á flakki með börnin okkar 5,

á aldrinum 2-13 ára, í 16 vikur og heimsótt alls 16 lönd. Þetta var gríðaleg áskorun á allan hátt en

þetta var alltaf minn draumur og rættist ekki fyrr en ég hætti að láta mig bara dreyma og fór að gera.

 

"Ef ég get það- þá getur þú það"

Að vera meðvitaður, í jafnvægi, sjálfsöruggur, sterk/ur andlega, virkur í lífinu, í tengingu við sjálfan sig og ástvini og muna alla daga að setja heilbrigði, heilindi og hugarró ofarlega á forgangslistann eykur líkurnar á hamingju og góðri andlegri og líkamlegri heilsu.

 

Það er einlægur áhugi minn að aðstoða og hvetja annað fólk áfram í sinni vinnu að sínum markmiðum út frá

sínum lífsgildum, hvort sem þau snúa að persónulega lífinu, starfsframa, menntun eða öðru.

 

Ég er á þeirri skoðun að lengi ber að fyrstu gerð og að frumbernskan og árin frá fæðingu til tvítugs séu þau allra mikilvægustu í mótun manneskju. Það hvernig barn lifir, lærir og tileinkar sér venjur og lífsgildi mun fylgja því alla tíð og gera því kleift á auðveldari hátt að takast á við þau fjölbreyttu, og oft á tíðum erfiðu, verkefni sem bíða þeirra í lífinu. Enginn ætti að vanmeta þær þá vanlíðu, áhyggjur, kvíða og streitu sem börn hafa því fyrir þeim eru þetta stóru málin, og það ber að virða og vinna með.

 

Það er því einnig innilegur áhugi minn að vinna með foreldrum, börnum og þeim sem vinna með börnum

sem vilja finna frið, ró, öryggi, sátt, bætt samskipti og samvinnu í fjölskyldunni,

eiga meiri og betri gæðastundirog standa sterkari sem heild og sem einstaklingar.

 

"Vertu það sem þú vilt sjá í öðrum"

8631475

©2019 by Ágústa Margrét Markþjálfi Proudly created with Wix.com